. وإني بقيت أقوى بمراحل. الباب اتفتح، وماما دخلت ومعاها صينية شاي بنعناع وبسكوت برضه ماسكة الشغل ومش عايزة ترتاحي يا مريومة؟ ابتسمت لها وحطيت الفرشة من إيدي الشغل ده هو روحي يا ماما، الآثار دي لما بتتكسر وبنرجع نجمعها تاني، بتبقى أقيم وأجمل من وهي لسه جديدة.
والبني آدم زي التحفة دي بالظبط.. لما بيتكسر وبيعرف يقوم، مفيش حاجة في الدنيا تقدر تهزه تاني. تليفوني رن، كان المتر عصام. فتحت الاسبيكر عشان ماما تسمع معايا ألو، أهلاً يا متر عصام. صوت عصام كان طالع كله فرحة وراحة ألف مبروك يا مدام مريم.
. صدر الحكم النهائي دلوقتي من محكمة جنايات القاهرة الجديدة! قلبي دق بسرعة طمني يا متر، حكموا بإيه؟! السچن المشدد سبع سنين لأميرة الشافعي پتهمة إحداث عاهة مستديمة مع سبق الإصرار والترصد واستخدام مادة كاوية، والسجن المشدد خمس سنين لمحمود الشافعي پتهمة الاشتراك الجنائي والاحتجاز القسري، ده غير إلزامهم بتعويض مدني مؤقت مليون جنيه.
. وطبعاً ده غير قضايا الشيكات والڼصب اللي خلصت عليهم في المحكمة الاقتصادية بحبس جلال وابنه سبع سنين تانيين وتصفية كل أملاكهم بالكامل لصالح صندوق سييرا نور! ماما زغرطت زغروطة رنت في أركان المعمل كله، وأنا أخدت نفس طويل وحسيت براحة ملهاش مثيل بتغسل روحي.
عصام كمل وبالنسبة لقضية الطلاق للضرر، المحكمة حكمت بخلعك وتطليقك طلقة بائنة للضرر مع احتفاظك بكامل حقوقك الشرعية ومؤخر الصداق، وقايمة المنقولات اتنفذ عليها واستردينا كل مليم يخصك! الحمد لله يا رب.. الحمد لله. قلتها وأنا ببص للسما والدموع في عيني.
قفلت مع المتر عصام، وبصيت من شباك المعمل على النيل اللي كان بيلمع تحت شمس العصر الهادية. افتكرت اللحظة اللي كنت فيها مرمية على أرض فيلا التجمع، وعيني بتتحرق ومحمود مثبتني بكل جبروت وهو بيقولي ماما بتعلمك الأدب.
. افتكرت إحساس العجز والړعب لما كنت فاكرة إن حياتي انتهت وإني هفضل طول عمري عميانة ومکسورة. بس الحقيقة إن المطهر اللي رشت بيه عيني ده، مكنش بس حړق سطحي.. ده كان المطهر الحقيقي اللي غسل الغشاوة اللي كانت على قلبي وعقلي، وكشف لي حقيقة الناس اللي كنت مأمناهم على حياتي.
الباب خبط ودخل بابا، بابتسامته الهادية اللي كلها هيبة، شايل في إيده باقة ورد أبيض ومعاها علبة صغيرة. قرب مني وحضنني وقال مبروك حريتك يا أحلى وأقوى مريم في الدنيا. فتحت العلبة، لقيت فيها سلسلة دهب رقيقة جداً، متصمم فيها دلاية على شكل عين حورس الفرعونية.
. رمز الشفاء، والحماية، والقوة. لبست السلسلة وبصيت لبابا وماما، وحسيت إن كل ۏجع عشته كان تمن تافه قصاد إني أعرف قيمة نفسي وقيمة أهلي اللي ضهري بيهم مسنود لآخر العمر. رفعت راسي، وابتسمت وأنا متأكدة إن اللي فات كان مجرد فصل اتقفل واتحرق، وإن الحكاية الحقيقية لسه بتبدأ دلوقتي.
. بقوة أكبر، وعين شايفة الدنيا صح، وروح مفيش قوة على الأرض تقدر تكسرها تاني.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.