😱 الجزء الأخير | الورقة اللي كشفت الحقيقة وخلّت أخوين يعرفوا قيمة بعض من جديد! تاني يوم الصبح، كنت قاعد في الصالة مستني عمي عبد الحميد، ومن كتر التفكير ما نمتش غير ساعتين بالعافية. كل شوية أبص لصورة الورقة اللي أحمد بعتهالي، وأحاول أفهم إيه الحكاية، وليه عمي مستني كل السنين دي علشان يتكلم.
أنا عمري ما شكيت في أخويا، ولا فكرت إنه ممكن يكون أخد مني حاجة مش من حقه، لكن كلام عمي خلاني قلقان، خصوصًا إنه قال إن فيه تصرف حصل بعد وفــ,,ـــــاه أبويا، وممكن أكون فهمت حاجات كتير غلط. بعد شوية، سمعت جرس الباب.
فتحت، لقيت عمي عبد الحميد داخل ومعاه ملف بني قديم، وقعد قدامي وحط الملف على الترابيزة. بصلي وقال: _ يا محمود، قبل ما أفتح الملف ده، عايزك توعدني إنك هتسمعني للآخر، ومش هتاخد قرار وإنت متعصب. قلتله: _ يا عمي، أنا كل اللي عايزه أعرف الحقيقة.
دي شقة أبويا، وأخويا عايش فيها من سنين، وأنا عمري ما ندمت إني سبتها له، لكن مش عايز يبقى فيه حاجة مستخبية عني. عمي فتح الملف وطلع منه صورة عقد قديم، وبعدها طلع صورة تانية من ورقة مكتوبة بخط أبويا.
قاللي: _ بعد وفــ,,ـــــاه أبوك، أنا كنت بساعد في جمع أوراقه وترتيب حاجته، ولقيت الورق ده وسط مستنداته. وقتها ما اهتمتش بيه قوي، لأن كل اللي كان يهمني إنكم تفضلوا مع بعض وما تختلفوش على الميراث. سألته: _ طيب إيه اللي في الورقة دي؟
قاللي: _ الورقة دي مش عقد بيع، ومش وصية بتدي الشقة لواحد منكم دون التاني. دي ورقة بخط أبوك كان كاتب فيها حسابات قديمة ومصاريف دفعها على الشقة، وفي آخرها كلام عن إنه عايزكم تتقاسموا الخير اللي سايبه لكم بالمعروف.
مسكت الورقة وفضلت أقرأها، ولقيت فعلًا خط أبويا، وكلامه اللي أعرفه كويس عن المحبة وصلة الرحم. لكن عمي كمل كلامه وقال: _ المشكلة إن بعد فترة، لما أخوك اتجوز وسكن في الشقة، حد من العيلة بدأ يقول إنك تنازلت عن حقك، وإن المفروض كان فيه ورق رسمي يوضح الوضع.
الكلام ده خلاني أرجع أدور في المستندات، لكن ما لقيتش حاجة تثبت إن حد فيكم اتعرض للظلــ,,ـــــم أو إن فيه حق اتاخد من صاحبه. بصيت له وقلت: _ يعني إيه يا عمي؟ إنتوا كنتوا بتتكلموا في موضوع الشقة من ورانا؟
رد عليا: _ حصل كلام، لكن أنا ما كنتش عايز أظلــ,,ـــــمك ولا أظلــ,,ـــــم أخوك. وعشان كده لما أحمد كلمني، قلتله لازم الموضوع يتراجع قانونيًا، خصوصًا إن حقوق الميراث ما ينفعش تتحدد بكلام الناس أو بورقة مش واضحة.
في اللحظة دي، حسيت براحة شوية، لأن الموضوع ما كانش زي ما تخيلت، لكن كان لسه عندي سؤال واحد. قلت لعمي: _ طب إنت ليه قلتلي إن فيه تصرف حصل بعد وفــ,,ـــــاه أبويا؟ عمي نزل عينه للأرض، وبعدها قال: _ علشان أنا غلطت يا محمود، وسكت عن حاجة كان المفروض أقولها من زمان.
قلبي اتقبــ,,ـــــض، وسألته: _ إيه هي؟ قاللي: _ بعد وفــ,,ـــــاه أبوك بفترة، أخوك جه لي وكان محتاج فلوس علشان يجهز نفسه للجواز، وأنا وقتها ما قدرتش أساعده. كان نفسه يتجوز ويستقر، لكنه كان محرج يطلب منك، لأنه كان شايفك بتتعب علشان تبني نفسك.
ولما إنت قررت تسيبله الشقة، أنا استغربت من كرمك، وقلت بيني وبين نفسي إنك ممكن تندم بعدين. سكت شوية، وبعدين كمل: _ لكن اللي حصل إن أخوك عمره ما اعتبر الشقة حق مكتسب من غير ما يقدّر اللي إنت عملته.
بالعكس، كان كل ما يجيب سيرتك يقول إن محمود وقف جنبي في وقت ما كانش حد قادر يساعدني فيه. عمي رفع عينه وبصلي وقال: _ أنا استنيت السنين دي كلها علشان أشوف إذا كنتوا هتفضلوا على محبتكم ولا الدنيا هتفرقكم، ولما عرفت إن أخوك بعتلك فلوس جهاز بنتك، وإنه بيساعد ابنك في السفر، فهمت إن المعروف اللي اتعمل من سنين لسه عايش بينكم.
وقتها قلتله: _ يا عمي، أنا مش زعلان من حد، بس كان نفسي محدش يشكك في علاقتي بأخويا. إحنا ما لناش غير بعض، وأبويا الله يرحمه كان دايمًا خايف علينا من الدنيا. عمي هز راسه وقال: _ عندك حق، وأنا آسف إني خليتك تقلق.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.