قرب مني وقعد على الكرسي اللي جنب السرير، وبعد لحظة صمت طويلة، سألني بهدوء مريم، محمود سألك قبل كده عن صندوق الاستثمار اللي اسمه سييرا نور؟ اتجمدت مكاني. أيوه يا بابا، كذا مرة. هو إيه الموضوع؟

بابا مردش على طول. فتح الشنطة الجلد اللي كانت معاه، وطلع منها ملف ورقي، وبعدها أخرج ورقة عليها شعار صندوق الاستثمار اللي محمود كان بيسألني عنه. ناولها لي، وطلب من أمي تقرأها بصوت عالي. وأول ما أمي بدأت تقرأ، قلبي وقف تقريبًا.

الورقة كان عليها توقيع محمود الشافعي، والتاريخ كان من تمانية شهور قبل فرحنا! يعني قبل ما يتقدم لي رسميًا، وقبل ما يقول لي إنه بيحبني، وقبل ما يوعدني إنه هيعيش عمره كله معايا. لكن اللي صدمني فعلًا كان عنوان الخطاب المكتوب في أوله طلب ترتيب لقاء مع عائلة زوجتي المستقبلية.

الأكثر قراءة الان

عم بنتى 2منذ يومينعملية تجميل 1منذ 6 أياممرات ابنىمنذ يوم

بصيت لبابا بعدم استيعاب وسألته يعني إيه يا بابا؟ هو محمود كان يعرفكم من قبل ما يتقدم لي؟! بابا أخد نفس طويل، وبص لي بنظرة عمري ما شفتها في عينيه قبل كده، وقال محمود مكانش بيدور على بنت يتجوزها يا مريم... ده كان بيدور على حاجة عند عيلتنا.

حسيت إن الأرض بتلف بيا. كل الذكريات، وكل الأسئلة الغريبة، وكل مرة كان بيسألني فيها عن شغل بابا، بدأت ترجع قدامي من جديد. لكن قبل ما أقدر أسأله عن أي حاجة، بابا حط إيده على الورقة وقال لازم تعرفي الحقيقة كاملة، بس قبل أي حاجة، عايزك تفهمي إن اللي حصل النهارده مش مجرد خناقة بينك وبين حماتك.

سكت لحظة، وبعدها كمل الخطاب ده فيه طلب واضح من محمود، ولو عرفتي هو كان عايز إيه مننا قبل ما يتجوزك، مش هتصدقي إن الراجل ده كان بيقول لك إنه بيحبك. فضلت باصة لبابا وعيني السليمة بتغيم من الدموع، والعين التانية الشاش الأبيض مغطيها والنبض فيها زي المسمار، الألم الجسدي كله اتلاشى فجأة قصاد الضړبة اللي نزلت على نفوخي.

عايز إيه يا بابا؟! انطق عشان خاطري، الورقة دي فيها إيه؟! ماما قعدت على طرف السرير، مسكت إيدي المرتعشة وبدأت تقرأ بصوت واطي ومخڼوق، وكل كلمة كانت بتنزل عليا كأنها جمر ڼار السيد المهندس عبد الرحمن الجوهري، رئيس مجلس إدارة ومؤسس مجموعة النور القابضة، والشريك التنفيذي لصندوق سييرا نور للاستثمار المالي.

تحية طيبة وبعد، بناءً على الاتصالات السابقة والتعثرات المالية التي تواجهها مجموعة الشافعي للمنشآت السياحية والفندقية، ونظراً لوجود مديونيات مستحقة السداد للبنك في موعد أقصاه نهاية العام الجاري، نتشرف بطلب عقد جلسة عمل عاجلة لبحث تسوية الديون أو دخول صندوقكم كشريك ممول، ونحيط سيادتكم علماً بأننا على أتم الاستعداد لإتمام المصاهرة بين العائلتين كضمانة شخصية لجدية الشراكة وتأكيداً على حسن النوايا، وذلك وفق ما تم الترتيب له مع كريماتكم.

.. وقفت ماما عن القراية، والصوت في الأوضة اتقطع تماماً غير صوت جهاز المحاليل اللي كان بينقط ببطء، وأنا حاسة ببرودة تلج بتسري في شراييني. مصاهرة؟! ضمانة شخصية؟! يعني إيه يا ماما؟ يعني هو كان عارف بابا من قبلي؟!