لما الأبواب اتقفلت في وشهم، دوروا على الصندوق الوحيد اللي يقدر يسد القرض أو يشتري الفنادق دي كاستثمار وينقذهم من الحبس، وصندوق سييرا نور ده شركتي أنا وشركائي من سنين برة مصر، ومحدش يعرف علاقتي بيه هنا غير قليل جداً لأن الشغل كله بيمر بأسماء شركات تانية، والكل فاكرني راجل على المعاش ماليش في التجارة الكبيرة.
بلعت ريقي بصعوبة، صوتي طالع مشروخ طب وأنا... أنا دخلت في القصة دي إزاي؟! محمود اتعرف عليكي بالصدفة في البداية في معرض الآثار والترميم، في نفس الوقت اللي كان أبوه بيحاول يوصل لي فيه في الشركة. ولما محمود عرف اسم عيلتك بالكامل، ربط الاسم بيا.
.. وراح أبوه باعت الخطاب ده لمكتبي. أنا وقتها رفضت الخطاب، ورفضت المقابلة، ورديت عليهم رسمي إن صندوق الاستثمار مش بيخلط البيزنس بالحياة الشخصية، وإن بنتي مش ورقة مساومة ولا صفقة هتتعمل عشان ننقذ سمعة عيلة ڼصابة. شهقت وأنا بفتكر كل حاجة ولما إنت رفضت يا بابا... ليه مجاش واجهني؟
ليه جه واتقدملي كأنه شاب مكافح وشاريني لشخصي؟! بابا هز راسه بحسرة عشان كان فاكرك ورقة الضغط الوحيدة اللي فضلت له! محمود اتقدم لك، وعمل نفسه الشاب العصامي الهادي اللي مش فارق معاه غيرك، وكان متأكد إنك هترفضي تقولي له أسرار شغلي، بس كان راسم على حاجة تانية خالص.
.. كان متخيل إنك أول ما تدخلي بيتهم وتبقي مراته رسمي، عيلة الجوهري مش هترضى تفضح بنتها، وهنضطر وقتها نتدخل وندفع الملايين عشان نحمي سمعتك وسمعة جوزك ونسنده ڠصب عننا! كلام بابا كان بيركب زي قطع البازل في دماغي.
.. كل كلمة، كل حركة، كل تفصيلة! افتكرت لما كان بيلح عليا نسكن جنب مامته، ولما كان بيصر ياخدني في مناسبات عائلية مليانة ناس مهمة ويقدمني بفخر مبالغ فيه ويقول مريم كريمة الباشمهندس عبد الرحمن الجوهري وأنا كنت باخدها بحسن نية وفاكراه بيتباهى بيا!
افتكرت نظرات أمه ليا الصبح، والورقة اللي رمتها في وشي... الورقة يا ماما! صړخت وأنا بحاول أقوم من على السرير الورقة اللي أميرة كانت عايزاني أمضي عليها قبل ما ترش عيني! ماما حطت إيدها على كتفي تهّديني اهدي يا حبيبتي، الدكتور قال متتحركيش، الورقة دي كان فيها إيه بالظبط؟
كانت بتقول إنها تنازل عن هدايا الفرح ومصاريف المشاكل العائلية... بس كان في بند غريب جداً في النص، قريت جملة بتقول وتُقر الطرف الثاني بتفويض الطرف الأول في إدارة أي أصول أو حصص عينية أو مالية تؤول إليها من تركة أو تنازل من والديها لصالح تسوية التزامات الأسرة المشتركة!
أنا لما وقفت عند البند ده وسألتها، هي اتعفرتت وقالت لي إنتِ بتعامليني كأني عدوتك! بابا ضحك بسخرية مرة ومرعبة، وشه احتقن پالدم يا ولاد ال... ده مش تنازل عادي، ده كان كمين! كانوا عايزين يربطوا رقبتك ورقبتنا قانونياً قبل ما المهلة بتاعة البنك تخلص يوم الجمعة!
الجمعة الجاية دي لو الفلوس مكنتش اتسددت أو مجاش ضامن مالي يشيل عنهم، محمود وأبوه هيتسجنوا رسمي في شيكات بدون رصيد وتبديد! ماما مسكت النوتة الصغيرة اللي بتكتب فيها وقالت بصرامة عشان كده كانت عايزة تكسر عينها!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.