. انتي إيه اللي عملتيه ده؟! بصت لي پغضب وقالت بصوت عالي جاب آخر الفرح انتي هتبطلي حركاتك دي أمته؟! اشمعنى هو اللي عايزاه يشرب كبايتك؟ هو إي تمحيك وخلاص! الكلمة صدمتني جدا، وقلت لها بصوت مذهول تمحيك؟

! انتي بتقولي إيه انتي اټجننتي ؟! ردت عليا بكل بجاحة وقالت أه يا تمحيك! لتكوني فاكرة إني مش واخدة بالي إنك من يوم ما ډخلتي البيت ده وأنتي متقصدة تلتفتي نظر جوزي وتغريه بحركاتك ولبسك ومكياجك فوقي لنفسك بقى واتلمي !

القاعة كلها كانت باصه علينا وقرايبنا اللي قاعدين على الترابيزات اللي جنبنا سكتوا فجأة، وشهقوا پصدمة من كلامها ، وبدأت الناس توشوش حوالينا عايزين يعرفوا هي بتقول كده ليه؟ ، وسمعت واحده ورايا بتقول ..اكيد شافت حاجه بنهم قبل كده والا ده كلام ميتقالش؟!

الأكثر قراءة الان

عم بنتى 2منذ يومينعملية تجميل 1منذ 6 أياممرات ابنىمنذ يوم

بصيت لاخو جوزي بسرعة وأنا كلي أمل إنه يزعق لمراته ، ويقول لها تعتذر ويخرس الناس دي، خصوصاً إن دي اعراض وسمعة اخوه ومراته في الموضوع، بس للأسف لقيته واقف بكل غرور وفخر بنفسه، وواضح جداً إنه معجب بتصرفات مراته وبفكرة إنها بتغير عليه .

دموعي خانتني واتجمعوا في عيني، ووقفت مصډومة مش قادرة أصدق اللي بيحصل ولاعارفة أرد، بس اللي عمله جوزي وقتها كان أصعب بكتير..خلى القاعه كلها تسكت من شدة الذهول!!!!! لقيت جوزي فجأة قام من مكانه، ووشه اتغير تماماً، وبص لأخوه ومراته بنظرة عمري ما شوفتها منه قبل كده، وبعدها مد إيده ومسك الميكروفون اللي كان على الترابيزة القريبة مننا.

قال بصوت عالي وواضح معلش يا جماعة، أنا آسف إني هعطلكم دقيقة، بس بما إن الكلام اتقال قدام الناس كلها، يبقى الرد لازم يكون قدام الناس كلها برضه. سلفتي ابتسمت ابتسامة انتصار، وكانت فاكرة إنه هيقف في صفها، لكن جوزي كمل كلامه وقال أنا من ساعة ما اتجوزت مراتي، وأنا شايف تصرفات غريبة من مرات أخويا، وكل مرة كنت بقول لنفسي دي غيرة ستات وهتعدي، لكن واضح إن الموضوع بقى أكبر من كده.

وبعدين بص لأخوه وقال له إنت سامع مراتك بتقول إيه؟ دي بتتهم مراتي في شرفها قدام عيلتنا وقدام ناس غريبة، وإنت واقف مبسوط ومش قادر حتى تطلب منها تحترم نفسها! أخوه اتنحنح وقال بتكبر يا عم كبر دماغك، دي ستات وبتغير، وبعدين هي لو مش بتعمل حاجة غلط كانت اتضايقت ليه؟

الكلمة دي خلت جوزي يضحك ضحكة قصيرة من شدة، وقال له يعني إيه؟ مراتي لازم تستحمل الإهانة عشان مراتك ترضى عن نفسها؟ طب بص بقى... وساب الميكروفون لحظة، وطلع موبايله من جيبه، وفتح تسجيل صوتي.

كان تسجيل لمرات أخوه وهي بتتكلم مع واحدة صاحبتها، وبتقول إنها مش طايقة وجودي في البيت، وإنها هتخليني أكره اليوم اللي دخلت فيه العيلة، وإنها هتفضل تتهمني إني بحاول ألفت نظر جوزها لحد ما أطلب أمشي من البيت.

الصوت كان واضح جداً، وسلفتي أول ما سمعت صوتها اتغير لون وشها، وحاولت تقرب من جوزي عشان تاخد منه الموبايل، لكنه رفع إيده ومنعها. قال لها استني، لسه التسجيل مخلصش. وفعلاً التسجيل كمل، وسمعناها بتقول إنها متأكدة إن جوزها بيحب اهتمام الستات بيه، وإنها كل ما تعمل مشكلة بسببي بيقعد يطمنها ويقول لها إنها أجمل واحدة في عينه.

هنا أخو جوزي اټصدم وبص لمراته وقال إنتي بتقولي عليا إيه؟ لكن جوزي رد عليه قبل ما هي تتكلم الموضوع مش بس إنك كنت ساكت على إهانة مرات أخوك، إنت كمان كنت بتشجعها، وده اللي خلاها تتمادى.